قصه لطائر غيرت حياتى شخصيآ - وغيرت حياة كل من قرأها - اقرأها لتعرف السبب !!!

عارفين ده ايه ؟! ده طائر ( النعَّاب )
سيدنا داوود عليه السلام كان بيدعي ويقول (اللهم يامن يرزق النعاب فى عشه ارزقني)
النعاب هو فرخ ( الغراب )... لما بيفقس بيض الغراب وبيطلع الفرخ  ... الأب والأم بيستغربوا شكله وبينكروه لأنه بيطلع من البيضة لونه أبيض وريشه الإسود ما ظهرش ... فبيسيبوه لوحده في العش ويطيروا ... وهو ضعيف جدا مش هيقدر يأكل نفسه وممكن يهلك ...
الله سبحانه وتعالي بيرسل ليه نوع من الدود .. الدود ده بيشم ريحة منقار النعَّاب وبيحبها فبيقف علي منقاره ... والنعاب بيبتدي ياكل من الدود ده ويتغذى .. وبعدها بينبت الريش الإسود للنَّعاب والأب والأم بيعرفوا إن ده فرخهم ويبتدوا يعتنوا بيه ويغذوه ...وبعدها يقدر يطير ...
( اللهم يامن يرزق النعاب فى عشه ارزقني)
 ياتري لسة خايف من رزق بكرة ؟!

إقرأ الآية دي كويس وخلي عندك يقين بقسم الله ...

. {وَفِي السَّمَاءِ رِزْقُكُمْ وَمَا تُوعَدُونَ * فوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ}